Ietniengïele
Akte learohke mij aktem åeliem åtna jeatjah ietniengïeline goh daaroengïele edtja ietniengïelelohkehtimmiem gïelesne faaledh. Ietniengïelelohkehtimmien earna lea ahte maana/learohke edtja daajroem ietniengïelen bïjre jïh ietniengïelesne övtiedidh. Maana/learohke edtja gööktengïelevoetem jïh maahtoem övtiedidh.
Learohkh mah nasjonelle unnebelåhkosne leah, reaktam utnieh altese unnebelåhkoegïelem övtiedidh læjhkan jis ij gïele leah akte jielije gïele gåetesne. Ryöhkoe jis learohke mij nasjonelle unnebelåhkosne ööhpehtimmiem vaajtele ihke skuvle dïedtem åtna ööhpehtimmiem öörnedh.
Jis learohke nasjonelle unnebelåhkosne lea, edtja learohkem ietniegïeleööhpehtimmiem altese unnebelåhkoegïelesne faaledh. Åejvieålma iktesth dïedtem åtna ietniegïeleööhpehtimmiem akten unnebelåhkoegïelesne faaledh jis akte learohke unnebelåhkosne lea. Dellie ij daarpesjh unnemes vïjhte learohkh årrodh. Ij gååvnesh naan krïebpesjh ihke gïele lea learohken fïerhten beajjetji gïele jallh learohke eensi daajroem gïeline åtna. Ajve akte ietniengïeleööhpehtimmiem learohke åådtje utnedh, skuvleförorningesne 2011:185, 9 § tjåådtje.
Gïeleööhpehtimmiem learohken identiteete nænnoste jïh viehkehte gïelerevitaliseeringese. Gïele dååjrehtse, daajroe, vuekie jïh kultuvre guadta. Dïhte sjædta vihkeles biehkie learohken identiteeteskaepiedæmman. Namhtah learohken kulturelle identiteetem nænnoestidh, ööhpehtimmie nasjonelle unnebelåhkoegïelesne viehkehte gïelerevitaliseeringese.
Aarhskuvleklaasse edtja meatan årrodh juktie learohkh jeatjah ietniengïeline goh daaroengïele nuepiem åadtjoeh gåabpegh daaroengïelem jïh ietniengïelem övtiedidh naemhtie guktie skuvlelaakesne tjåådtje 2010:800.
)