Voereshokse
Kraapohken tjïelte saemien reeremetjïelte tsiengelen 1:s biejjien 2012 sjïdti. Naemhtie juktie saemieh reaktam utnieh voereshoksese abpe jallh vihkeles biehkie saemiengïelesne naemhtie guktie Laake nasjonelle unnebelåhkoej jïh unnebelåhkoegïelen bïjre tjåådtje, SFS 2009:724.
Kraapohken tjïelte edtja satnem faaledh mij vaajta abpe jallh vihkeles biehkie hoksehtimmeste jïh hoksem mij voereshoksesne faalen barkijijstie mah saemiengïelem maehtieh. Tjïeltesne saemienprofileereme voereshoksem darjoen sjïere årromesijjesne, Skogsforsen goevtesisnie.
18 § Akte tjïelte mij reeremedajvesne edtja dïsse faaledh mij bihkede nuepiem abpe jallh vihkeles biehkie hoksehtimmeste jïh såjhtoste voereshoksesne, barkijijstie mah såevmiengïele, meängïele jïh saemiengïele maehtieh.
18a§ Akte tjïelte mij ij leah reeremedajvesne edtja dïsse faaledh mij bihkede nuepiem abpe jallh vihkeles biehkie hoksehtimmeste jïh såjhtoste voereshoksesne mah faalen, barkijijstie mah såevmiengïele, jiddische, meängïele, romani chibe jïh saemiengïele maehtieh, jis tjïelte barkijh åtna daej gïelemaahtoejgujmie. Seamma lea akten tjïeltese mij reeremedajvesne sjïere gïeline, jeatjah gïeli bïjre.
18b§ Tjïelte edtja naemhtie hoksesne mij faalen guktie 18 jïh18 a §§ tjåådtje ussjedidh båeriesalmetji daerpiesvoeti bïjre, dej kulturelle identiteetem vaarjelidh.
18c§ Tjïelte edtja bievnedh dïsse mij viehkien mietie voereshoksesne syökoe, nuepiem ihke hoksehtimmiem jïh såjhtoem åadtjodh gusnie 18 jïh 18a §§ tjåådtje.
Sosiaaledïenesjelaake 2001:453 tjaala ahte tjïelte edtja barkedh ihke jaksoesvoete barkijidie maahtoejgujmie gååvnese såevmiengïelesne,jiddishesne, meängïelesne, romani chibesne jallh saemiengïelesne gusnie såjhtosne båeriesalmetjigujmie daerpies lea.
Reaktam unnebelåhkoegïelem voereshoksesne nuhtjedh lea ovmessie gaevhtijste vihkeles lea. Voestegh vihkeles barkijigujmie buektiehtidh soptsestidh. Båeriesalmetjh mah unnebe jallh eah naan maahtoem daaroengïelesne utnieh edtjieh daerpiesvoeth jïh vaajtelassh buektiehtidh saarnodh jïh ij daarpesjidh vuesiehtimmien gaavhtan åeliej tjïrrh vaedtsedh. Sïejhme gujht ahte almetjh gosse båeries sjidtieh eah buektedh jeatjah gïelh soptsestidh jïh guarkedh enn altese ietniengïele.
Byjresisnie årrodh gusnie barkijh jïh årrojh akte ietniengïele soptsestieh jïh ektivoeten dååjrehtsh utnieh lea vihkeles dïsse mij voeres jïh kaanne madtan lea. Dellie ij leah ajve gïelen biehkie menh aaj dah kulturelle symbovlh jïh vyörtegsvoeth gaajh vihkeles.
)